پولس جمعدار رشوت لیتے ہوئے پکڑا گیا

ناندیڑ: ۱۴؍اگست (نامہ نگار) اردھاپور پولس اسٹیشن کے ایک پولس جمعدار کو ۲؍ہزارروپئے رشوت لیتے ہوئے رنگے ہاتھوں اے سی بی کی ٹیم نے پکڑ لیا ۔ تفصیلات کے مطابق اردھاپور میں ایک شخص سابق میں جوے کا کلب چلاتا تھا ۔ اس شخص نے جوے کا کاروبار بند کردیاتھا مگر اردھاپور پولس اسٹیشن کے جمعدار محمد منظور حسین نے اچانک اس



کے گھر جا کر تلاشی لی اور اسے ہراساں کیا اور کہا کہ تو دوبارہ جوے کا کلب شروع کر اور مجھے ہر ماہ تین ہزارروپئے ہفتہ دے ۔ اس شخص نے اس کی اطلاع اینٹی کرپشن کو دی اور جال بچھاکر منظور حسین کو دو ہزارروپئے رشوت لیتے ہوئے اینٹی کرپشن کی ٹیم نے رنگے ہاتھوں پکڑ لیا او ر اس کے خلاف اردھاپور پولس اسٹیشن میں مقدمہ درج کیا گیا ہے ۔